Eftir að hafa stefnt á það að ganga í hjónaband í eitt og hálft ár þá ætla þau Valgarður Freyr Gestsson og Anna Kristín Matthíasdóttir að halda brúðkaupið sitt í Neskaupstað á morgun, eftir að Síldarvinnslan bauð þeim upp á hraðpróf, fyrir Covid, fyrir alla gesti brúðkaupsins. Þetta kemur fram á vef Síldarvinnslunnar.

Staða faraldursins er þeim mikil vonbrigði og voru margir búnir að afbóka sig en eftir gjöf Síldarvinnslunnar tilkynntu flestir þeim komu sína í brúðkaupið.

„Starfsmannastjóri Síldarvinnslunnar hafði samband við mig og spurði hver staðan væri varðandi brúðkaupið. Ég sagði honum að það væru mikil vonbrigði hvernig allt stæði og margir gestanna væru búnir að afboða komu sína. Þá spurði hann hvort við vildum þiggja svonefnt hraðpróf fyrir Covid frá fyrirtækinu og prófa alla gesti daginn áður en brúðkaupið færi fram,“ segir Valgarður.

Valgarður var undrandi yfir þessu boði þar sem hvorki hann né Anna starfa hjá Síldarvinnslunni. 

Valgarður Freyr Gestsson og Anna Kristín Matthíasdóttir halda brúðkaupið sitt á morgun. mbl.is

70 gestir skimaðir í dag

„Þetta gladdi okkur mjög og sýnir hve gott er að búa í litlu samfélagi þar sem fólk ber umhyggju fyrir náunganum. Við vorum sannast sagna himinlifandi með þetta og létum strax boð út ganga og tilkynntum öllum sem boðið var í veisluna um prófið. Og viðbrögðin létu ekki á sér standa; fólk sem hafði afboðað hóf strax að tilkynna komu sína.“

Allir gestir brúðkaupsins, alls 70 talsins, voru skimaðir með hraðprófi síðdegis í dag. Heilbrigðisstarfsmaður úr vinahóp þeirra sá um skimunina.

„Ég vil koma á framfæri innilegu þakklæti til Síldarvinnslunnar fyrir þennan stórkostlega greiða. Þetta er eitt af því sem við munum aldrei gleyma,“ segir Valgarður.

Tengdar fréttir

Kórónuveiran Covid-19

Í fimm ára fangelsi fyrir að hvetja til hryðjuverka

• Stefna Norðmenn ríkinu vegna bólusetninga?
• 30% með langvarandi áhrif covid
• Mættu hafa í huga þar sem þeir kvarta á Tene
• „Er ég virkilega að deyja?“

» Fleiri tengdar fréttir

Síldarvinnslan

Samherji tekur Birting á leigu

• Fjölnir til Noregs
• Kaup Síldarvinnslunnar ganga til baka
• Sjóvá og Síldarvinnslan áfram í samstarfi
• Samfélagsspor Síldarvinnslunnar yfir 10 milljarðar

» Fleiri tengdar fréttir

• 1 blogg um fréttina

Bloggað um fréttina

• Geir Ágústsson: Þegar almenningur læsir sjálfan sig inni