Sakar Persónuvernd um rógburð

Kristján Þór Júlísson, sjávar- og landbúnaðarráðherra, segir það ófaglegt og óviðeigandi af Persónuvernd að saka ráðuneytið um það að leyna upplýsingum eða nota persónuvernd sem skálkaskjól við gerð skýrslu um eignarhald 20 stærstu útgerðarfélaga landsins í íslensku atvinnulífi. Þetta kemur fram í Facebook-færslu ráðherra.

Kristján vísar þessum ásökunum alfarið á bug og segir þetta vera hreinan rógburð. En Persónuvernd gerði alvarlegar athugasemdir við skýrsluna í opnu bréfi til atvinnuvega- og nýsköpunarráðuneytis í gær.

Frétt af mbl.is

Segja rangfærslu í skýrslu sjávarútvegsráðherra

Kristján segir skýrsluna hafa verið unna í opnu og gagnsæju ferli.

„Skatturinn taldi vafa leika á um hvort persónuverndarlög stæðu því í vegi að tilteknar upplýsingar væri unnt að veita,“ segir í færslunni. 

Hann bendir einnig á það að erfitt sé að fá upplýsingar um raunverulega eigendur frá árinu 2016 þar sem sú skráning hófst árið 2019.

Frétt af mbl.is

„Skrítnari en kosningaloforð Miðflokksins“

Kristján segir ráðuneytið taki lagaskyldu sína til að sinna upplýsingagjöf til Alþingis alvarlega og ráðuneytið hafi engu leynt við undirbúning skýrslunnar. Hann bætir við að það sé fullur vilji að veita þessar upplýsingar ef þær eru innan lagaramma.

Kristján hefur óskað eftir fundi með fulltrúa Skattsins og Persónuverndar um næstu skref og segir þau verða tekinn af fagmennsku og virðingu.

• 2 blogg um fréttina

Bloggað um fréttina

• Benedikt V. Warén: Ekki benda á mig, sagði,,,
• Jóhannes Ragnarsson: Að hann reisi skálkum skjól er viðbjóðslegur rógburður