„Íbúalýðræði er fótum troðið í boði meirihluta sveitafélagsins, einkafélaga og erlendra fjárfesta er svo stórkostlega galið að ég verð að vekja á því athygli hér, bæði fyrir þing og þjóð,“ sagði Jódís Skúladóttir, þingmaður Vinstri grænna, í umræðu um störf þingsins á Alþingi í dag.

Þar vísar Jódís til undirskriftasöfnunar árið 2020 þar sem 55% kosningabærra íbúa Seyðisfjarðar lögðust gegn áformum 10.000 tonna fram­leiðslu á laxi í firðinum.

Í byrjun árs greindi mbl.is frá því að Skipu­lags­stofn­un telji að óvissa ríki um áhrif lax­eld­is á sam­fé­lagið í Seyðis­firði. Hún telur að þau geti orðið tals­vert eða veru­lega nei­kvæð ef ekki næst sátt í nærsam­fé­lag­inu.

Frétt af mbl.is

Litið til andstöðu íbúanna

„Rúmlega helmingur íbúanna hefur sett sig algjörlega andsnúinn þessari uppbyggingu. Hvernig getur það átt sér stað að svona gróflega sé brotið á íbúum og þeirra orð heyrast ekki,“ spurði Jódís.

Gróflega brotið á íbúum

Í samtali við mbl.is segir Jódís að þegar Seyðfirðingar hafi gengið inn í Múlaþing hafi þeir haldið að þeir myndu öðlast öflugri rödd en í staðinn upplifi þeir sig nú jaðarsetta.

Hún segir að í síðustu viku hafi verið haldinn íbúafundur og var upplifun íbúa að lítið væri á þá hlustað. Því hafi hún ákveðið að vekja athygli á málinu núna.

„Það verður að stíga inn og standa með fólkinu sem hefur liðið nóg eftir skriðuföllin á Seyðisfirði.“

Tengdar fréttir

Fiskeldi

Thor fær leyfi til fiskeldis

• Allt landeldi í uppnámi
• Eining um vöktun grunnvatns
• Tillaga að 12 þúsund tonna eldi Geo Salmo
• Sigurður Arnar til liðs við Laxey

» Fleiri tengdar fréttir

• 1 blogg um fréttina

Bloggað um fréttina

• Benedikt V. Warén: Er allur sannleikurinn sagður?