Forsenda karfaráðgjafar „hreint bull“
Setja bókamerki
Tengdar fréttir
Hafrannsóknastofnun
„Ráðgjöf Hafrannsóknastofnunar um karfakvóta næsta fiskveiðiárs er gjörsamlega galin. Fiskifræðingar leggja til 20% niðurskurð í gullkarfaveiðum næsta árs og segja að það sé vegna þess að veiðin sé bara borin uppi af tveimur árgöngum. Það er hreint bull. Samkvæmt okkar reglulegu prufum eru það sex til sjö árgangar sem eru uppistaða aflans, alveg eins og það á að vera,“ segir Eiríkur Jónsson, skipstjóri á Akurey AK, í færslu á vef Brims.
Hafrannsóknastofnun hefur lagt til að ekki verði veitt meira en 25.545 tonn af gullkarfa á næsta fiskveiðiári, en ráðgjöfin fyrir núverandi fiskveiðiár var 31.855. Stofnunin segir orsök lækkun í ráðgjöf vera slök nýliðun. Hrygningarstofninn er sagður hafa minnkað umtalsvert á undanförnum árum og mælist við aðgerðarmörk. Gert er ráð fyrir að sókn í stofninn fari ört minnkandi á komandi árum.
„Ég hef verið á togurum síðan 1975 og get fullyrt að karfinn er nú nánast alls staðar. Það hefur ekki alltaf verið svona og ég man eftir að hafa verið á fundi með fiskifræðingum eitt árið sem gullkarfastofninn var í lágmarki. Þá sagði helsti karfasérfæðingur Hafrannsóknastofnunar, sem nú er forstjóri sömu stofnunar, að við skyldum búa okkur undir mögur ár á karfaveiðunum næstu árin. Það þveröfuga gerðist. Karfastofninn rétti hratt úr kútnum og hefur verið sterkur allar götur síðan. Við tökum reglulega prufur og samkvæmt þeim erum við aðallega að veiða sex til sjö árganga. Við fáum alltaf eldri karfa en hann teljum við ekki með,” segir Eiríkur í færslunni.
Flotinn bundinn við bryggju
Samhliða lækkun í ráðgjöf gullkarfa var einnig ráðgjöf fyrir þorsk minnkuð um 13.527 tonn, 6.261 tonn fyrir ufsa, 1.590 tonn fyrir djúpkarfa og 826 tonn fyruir steinbít. Þó varð aukning í ráðgjöf fyrir ýsu um 11.790 tonn.
Skipstjórinn segir ljóst að togaraflotinn verði bundinn við bryggju í tvo mánuði á næsta fiskveiðiári ef aflamark verði gefið út í samræmi við þessa ráðgjöf Hafrannsóknastofnunar.
„Það er búið að loka 90% af okkar gömlu heimamiðum á undanförnum árum. 20% skerðing nú á gullkarfann er reiðarslag fyrir margar útgerðir. Ég fæ ekki séð að við getum veitt ufsann ef þessar tillögur verða að veruleika. Bara hjá því félagi, sem ég vinn hjá, er boðuð skerðing um 1.500 tonn af gullkarfa á næsta ári. Það er ársafli eins togara. Nógu slæmt er ástandið varðandi karfakvótann í ár. Margir hafa brugðist við því með að stækka möskvann í pokanum í 155 millimetra, t.d. á veiðum á Halanum, en það þýðir að karfinn kemst út úr trollinu með möskvasmugi. Það getur seint talist sérstaklega góð umgengni um auðlindina,” segir Eiríkur Jónsson.
115 tonn eftir tvo sólarhringa
Akurey kom til hafnar í morgun eftir stuttanm túr með 115 tonna afla og er það sagt duga vinnslunni í dag og jafnvel fram á mánudag, en frí er á morgun.
„Við fórum á Fjöllin og vorum um tvo sólarhringa á veiðum. Aflinn var nokkurn veginn til helminga ufsi og gullkarfi og svo fengum við smávegis af öðrum tegundum með. Við vorum einir á svæðinu til að byrja með en skipunum tók að fjölga um það leiti sem við héldum til hafnar,” segir Eiríkur.
Tengdar fréttir
Hafrannsóknastofnun
Virðist vera „lítill leki“ frá stærri atburði
Kvika komin mjög norðarlega: Færist nær brautinni
Vilja banna einkaþotur og þyrluflug
Umferðarslys á Reykjanesbraut
/frimg/1/41/22/1412247.jpg)
/frimg/1/29/67/1296725.jpg)
Fólk fari eftir tilmælum: Mögulega stærri sviðsmynd
Gosið ekki „mjög aðlaðandi“ að sjá frá brautinni
Ekki sannfærður um túlkun Veðurstofunnar
