Þrjá­tíu langreyðar höfðu verið veidd­ar á þess­ari vertíð í gær. Bræla og þoka hafa hamlað veiðunum und­an­farið, að sögn Kristjáns Lofts­son­ar, fram­kvæmda­stjóra Hvals hf.

Breyt­ing Svandís­ar Svavars­dótt­ur mat­vælaráðherra á reglu­gerð um hval­veiðar er nú til um­sagn­ar í sam­ráðsgátt stjórn­valda (samrad.is). Um­sagn­ar­frest­ur er til 21. júlí.

Frétt af mbl.is

Dýra­vel­ferðarfull­trúi myndi all­ar aðgerðir við hval­veiðar

Lagt er til að skip­stjór­ar hval­veiðiskipa til­nefni dýra­vel­ferðarfull­trúa úr áhöfn sem ber ábyrgð á því að rétt sé staðið að vel­ferð hvala við veiðar.

Dýra­vel­ferðarfull­trú­arn­ir þurfa að sækja nám­skeið samþykkt af Mat­væla­stofn­un. Þeir eiga að safna gögn­um um veiðarn­ar og gera mynd­skeið. Af­henda á eft­ir­lits­dýra­lækni öll gögn og mynd­efnið.

Kristján seg­ir að Hval­ur hf. muni kynna sér þessa breyt­ing­ar­til­lögu og senda um­sögn um málið.

Rann­sókn gerð á hval­skot­um

Hann seg­ir að norski dýra­lækn­ir­inn dr. Egil Ole Øen hafi gert út­tekt á hval­veiðunum 2014 og dán­ar­tíma dýr­anna fyr­ir Fiski­stofu. Skýrslu um rann­sókn­ina var skilað í fe­brú­ar 2015. Øen hafði lengi rann­sakað hval­veiðar í Nor­egi. Hann fór út með ís­lensku hval­bát­un­um 2014 og fylgd­ist með veiðum á 50 langreyðum.

Af hvöl­un­um 50 dóu 42 (84%) sam­stund­is við skotið. Átta hval­ir voru tví­skotn­ir. Þeir lifðu að meðaltali átta mín­út­ur eft­ir fyrra skotið. Skot í brjóst­hol, ná­lægt brjóst­hrygg, hálsi eða heila ollu dauða á auga­bragði. Öll dýr­in náðust og ekk­ert þeirra týnd­ist. Einnig rann­sakaði Øen hvern hval þegar hann var fleg­inn og kruf­inn og hvaða áhrif sprengi­odd­ur skutuls­ins hafði haft.

Nán­ar um málið í Morg­un­blaðinu í dag.

Tengd­ar frétt­ir

Hval­veiðar

„Sorg­artíðindi og högg fyr­ir nærsam­fé­lagið“

• Ekki for­svar­an­legt að stunda veiðar
• Eng­ar hval­veiðar í sum­ar
• Hyggst trufla hval­veiðar á Íslandi í sum­ar
• Loðna 90% af fæðu kanadísks hnúfu­baks

» Fleiri tengd­ar frétt­ir