Landeldi hf. hefur hlotið 20 milljón króna styrk frá umhverfis-, orku- og loftlagsráðuneytið vegna þróunarverkefnis er snýr að gerð lífræns áburðar fyrir landbúnað úr þeim úrgangi sem til fellur  laxeldi. Fyrirtækið stefnir á framleiðslu 33.500 tonnum af laxi í landeldisstöð sinni sem nú er í byggingu vestan við Þorlákshöfn.

Fram kemur á vef ráðuneytisins að styrkveitingin, sem átti sér stað 15. júlí síðastliðinn, kom til vegna úthlutunar úr sjóði til verkefna sem stuðla að eflingu hringrásarhagkerfis á Ísland. Alls var úthlutað 230 milljónum.

Markmið með styrkveitingunum er meðal annars að draga úr myndun úrgangs, efla tækifæri til endurvinnslu úrgangs sem næst upprunastað og stuðla að aukinni endurvinnslu og annarri endurnýtingu úrgangs sem fellur til hér á landi.

Frétt af mbl.is

Matjurtir ræktaðar í affallsvatni

„Við lítum á þessa styrkveitingu sem viðurkenningu á því að Landeldi er á réttri leið með sína nálgun að umhverfisvænni matvælaframleiðslu,“ segir Þorvaldur Arnarsson, verkefnastjóri hjá Landeldi hf., um styrkinn í færslu sem birt er á vef Þekkingarseturs Ölfuss.

„Umhverfissjónarmið vega gríðarþungt í framtíðarsýn Landeldis og frá upphafi hefur það verið okkar staðfasta stefna að koma auga á þær leiðir sem okkur eru færar til að efla hringrásina innan bláa hagkerfisins. Við höfum leitað allra leiða til að besta allar framkvæmdir og alla ferla til að ná því sem næst jákvæðu kolefnisspori. Með því að endurnýta úrgang úr laxeldinu okkar með þessum hætti viljum við styðja við hringrásarhagkerfið, og ekki síður bændasamfélagið. Landbúnaðarsamfélagið hefur átt á brattan að sækja undanfarið og ekki sér fyrir endann á því enn, og það helgast ekki síst af himinháu verði áburðar sem bændur eru nauðbeygðir til að kaupa á hærra verði en sést hefur nokkru sinni áður. Við teljum okkur geta orðið að liði þarna með því að taka höndum saman við bændasamfélagið í nærbyggð til að framleiða innlendan gæðaáburð úr því sem hingað til hefur einfaldlega verið losað í sjó eða urðað,“ segir hann.

Tengdar fréttir

Fiskeldi

Frestuðu slátrun til að hámarka verð

• Ræða sjókvíaeldið fyrir opnum dyrum
• „Ísland er í einstakri stöðu“
• 434 milljóna taprekstur hjá Arnarlaxi
• Eldisgreinar þurfi stöðugleika

» Fleiri tengdar fréttir

• 1 blogg um fréttina

Bloggað um fréttina

• Ómar Ragnarsson: Eignarfallsbeygingin íslenska á undanhaldi.