Saltver hefur fest kaup á Mars

Saltver ehf. í Reykjanesbæ hefur fest kaup á línu- og netabátnum Mars RE-270 sem hefur verið í eigu Útgerðarfélags Reykjavíkur hf., en skipið hét lengi vel Sólborg. Í fundargerð borgarráðs Reykjavíkurborgar kemur fram að kaupverðið sé 70 milljónir króna og að viðskiptunum fylgi engar aflaheimildir.

„Nú fer Mars í smá yfirhalningu. Það er verið að koma honum í gegnum allar skoðanir sem hann á eftir að fara í gegnum og svo á hann eftir að fara upp í Njarðvíkurslipp í breytingar til að gera hann að alvörunetabát. Þessi Mars verður svo nýr Erling,“ segir Guðmundur Jens Guðmundsson, útgerðarstjóri hjá Saltveri ehf., í umfjöllun Morgunblaðsins.

Frétt af mbl.is

Engar vísbendingar um saknæmt athæfi

Um er að ræða þriðja Erling á stuttum tíma en Langanes GK var keypt í vetur eftir að eldur kviknaði um borð í gamla Erling KE. Guðmundur segir ætlunina með nýjum Erlingi (Mars) að gera meira út á ufsa og lengja vertíðina.

Fjallað er nánar um málið í Morgunblaðinu í dag.