Færeyingar framlengja umdeildan samning við Rússa

Færeyingar hafa framlengt umdeildan fiskveiðisamning við Rússa um eitt ár til viðbótar þrátt fyrir háværar gagnrýnisraddir vegna innrásar Rússa í Úkraínu. 

Samningurinn var upphaflega gerður árið 1977 en hefur verið endurnýjaður í nóvember á hverju ári síðan. Hann kveður á um að þjóðirnar tvær megi veiða í lögsögu hvorrar annarrar.

„Færeyjar eiga fullan rétt á því að framlengja núverandi samninga við Rússland,“ segir Árni Skaale, sjávarútvegsráðherra Færeyja, og bætir við að þrátt fyrir það fordæmi Færeyingar hverskyns stríðsrekstur, þar á meðal stríðið í Úkraínu.

Ráðherrann segir samninginn standa undir um 5% af vergri landsframleiðslu og að það gæti komið niður á næstu kynslóð ef honum verði slitið.

• 1 blogg um fréttina

Bloggað um fréttina

• Páll Vilhjálmsson: Færeyingar kaupa ekki Rússahatrið