Miklu alvarlegra mál en fólk heldur

„Þetta er miklu alvarlegra mál en fólk áttar sig á,“ segir Eggert Þór Kristófersson, forstjóri Landeldis í Þorlákshöfn og fyrrverandi forstjóri N1.

Þar vísar Eggert til yfirvofandi verkfalls verkafólks hjá Samskipum, Skeljungi og Olíudreifingu.

„Eimskip getur ekki keyrt neitt út nema í þrjá til fjóra daga og þá verður bara allt stopp. Ég óttast að um næstu helgi förum við að finna fyrir vöruskorti. Þá verður sennilega enginn fiskur fluttur út.“

Eggert segir að það megi búast við ofsölu á bensíni og að þá verði allt orðið tómt um helgina.

Frétt af mbl.is

Getum lifað fimmtudag og föstudag

Fyrsti áfangi landeldisstöðvar í Þorlákshöfn mun framleiða 7.300 tonn af laxi á ári. Ljósmynd/Landeldi

Nauðsynlegt til að halda fiskum lifandi

„Sjálfur er ég að byggja upp landeldi í Þorlákshöfn. Við höfum sent erindi til Eflingar varðandi undanþágur til að flytja súrefni sem er nauðsynlegt til að halda fiskum lifandi í kerjum en við höfum engin svör fengið við því.

Ég er með starfsmenn og verktaka að auki sem þurfa að keyra til Þorlákshafnar til að komast til vinnu og svo skilst mér að það eigi að snjóa um helgina. Mun Efling gefa undanþágu frá snjómokstri?

Þannig að þetta er miklu alvarlegra mál en fólk heldur.“

• 1 blogg um fréttina

Bloggað um fréttina

• Ómar Ragnarsson: Áhrif koma í ljós á æ fleiri "innviði". Flugbeitt útfærsla …