„Þruma úr heiðskíru lofti“
Setja bókamerki
„Þetta kom eins og þruma úr heiðskíru lofti og þarna eru Vinstri grænir að endurskilgreina orðin „meðalhóf í stjórnsýslu“ ef þetta á viðgangast svona áfram. Þeir eru með þessu að prófa sig áfram með það hversu langt þeir geta gengið. Ef þetta heldur áfram svona og þeir verða látnir komast upp með það er voðinn vís fyrir atvinnulífið,“ sagði Kristján Loftsson, framkvæmdastjóri Hvals hf., í samtali við Morgunblaðið. Leitað var viðbragða hans við ákvörðun Svandísar Svavarsdóttur matvælaráðherra um að heimila ekki veiðar á langreyðum fyrr en 1. september.
„Það sem hér er á ferðinni er að öfgafullur kommúnisti stjórnar matvælaráðuneytinu og virðist hata allt nema ríkisrekstur. Hún er greinilega að máta sig við nýja stjórnarhætti. Það er að mínu mati með ólíkindum að Sjálfstæðisflokkurinn og Framsóknarflokkurinn skuli hafa afhent henni matvælaráðuneytið,“ sagði Kristján.
Opinn fundur á Akranesi
„Við höfum boðað til opins fundar hér á Akranesi og ég sendi fundarboð á matvælaráðherra, þingmenn kjördæmisins og þingflokksformenn allra flokka til að gefa þeim tækifæri til að gera grein fyrir sinni afstöðu í málinu,“ sagði Vilhjálmur Birgisson, formaður Verkalýðsfélags Akraness, í samtali við Morgunblaðið, en tilefni fundarins er ákvörðun matvælaráðherra um að stöðva veiðar á langreyði til 1. september nk.
Fundurinn verður haldinn í Gamla kaupfélaginu á Akranesi í kvöld, fimmtudagskvöld, og hefst kl. 19.30.
Þá mun þingflokkur Sjálfstæðisflokksins koma saman til fundar til að ræða ákvörðun matvælaráðherra um þetta mál fyrir helgi.
Framsókn ætlar að bíða átekta.
Nágrannaþjóðir upplýstar en við vöðum í blindni
Lát hjóna í Neskaupstað: Ákæra gefin út
„Óviðunandi eftirlit með börnum“
Samfylking og Viðreisn gáfu loforð
Þetta eru ráðherrar ríkisstjórnarinnar
Stormur á Þorláksmessu en víðast hvar stefnir í hvít jól
„Börn heima sem maður myndi vilja hafa í skjóli“