„Sú staða er óásættanleg fyrir stjórnvöld að ein mikilvægasta atvinnugrein landsins sé talin spillt af stórum hluta almennings en staðan er ekki síður alvarleg fyrir greinina sjálfa. Íslenskur sjávarútvegur þarf á því að halda að njóta stuðnings frá almenningi og þar með sóknarfæra og góðrar stöðu til framtíðar,“ segir Svandís Svavarsdóttir matvælaráðherra í pistli í Morgunblaðinu í dag.

Vísar hún til niðurstaðna skoðanakönnar Félagsvísindastofnunar Háskóla Íslands um viðhorf Íslendinga til sjávarútvegsmála sem birtar voru í vor. Var könnunin unnin fyrir matvælaráðuneytið vegna stefnumótarverkefninsins Auðlindin okkar.

Frétt af mbl.is

Telja íslenskan sjávarútveg spilltan

„Það er staðreynd að aukið gagnsæi hefur jákvæð áhrif á ýmsa þætti viðskiptalífs. Bæði eykur það líkur á að fyrirtæki sýni ábyrgð og dregur úr líkum á að farið sé á svig við reglur. Þá er aukið gagnsæi lykilatriði í því að bæta stjórnunarhætti þar sem að nálgast má upplýsingar um alla þá þætti er máli skipta,“ skrifar Svandís í pistlinum.

„Sé dregið frá og loftað út þá má ætla að betri skilyrði séu fyrir því að skapa traust milli sjávarútvegsins og almennings. Bæði um þau samfélagslegu deilumál sem hefur verið tekist á um áratugum saman en einnig til þess að gera greininni sem heild kleift að sýna forystu í umræðu um gagnsæi og réttlæti. Gagnsæi er ekki bara réttlætismál, heldur einnig afar mikilvæg forsenda framfara.“

Pistilinn má lesa í heild sinni í Morgunblaðinu.

Tengdar fréttir

Auðlindin okkar

Telja frumvarp ógna lífskjörum og atvinnufrelsi

• Frumvarpið veiki sjávarútveginn
• Frestur til umsagnar framlengdur í annað sinn
• Fá merki um að sátt náist
• Telja ákvæði sjávarútvegsfrumvarpsins óljós

» Fleiri tengdar fréttir