„Þetta er búið að blasa við“
Setja bókamerki
Tengdar fréttir
Loftslagsvá
„Við vildum freista þess að opna augu stjórnvalda betur til að gæta frekar hagsmuna Íslands við þessa innleiðingu.“
Þetta segir Vilhelm Þorsteinsson, forstjóri Eimskips, í samtali við mbl.is en nýjar reglur um mengunarkvóta fyrir skipafélög, sem Evrópusambandið hefur samþykkt, taka gildi um næstu áramót. Hagsmunasamtök í atvinnulífinu sendu utanríkisráðherra bréf í lok júní, sem ekki hefur enn verið svarað. Rúv greindi fyrst frá.
Ekki ný frétt
Vilhelm segir ekki um nýja frétt að ræða og að stjórnvöld séu að vinna að innleiðingu tilskipunarinnar. Segir hann að hún kveði á um innleiðingu í fösum, 40% á næsta ári, 70% árið 2025 og að fullu frá árinu 2026.
„Það er viðurkennt að tilskipunin geti lagst þyngra á sum lönd en önnur og þar eru einmitt talin upp eyríki, fámenn ríki og lönd sem eru mjög háð skipaflutningum og eiga ekki kost á lestarflutningum eða fljótabátum. Þetta á allt við um Ísland og þetta er búið að blasa við í dálítinn tíma.“
Segir hann að flugið hafi fengið mikla umfjöllun og athygli frá stjórnvöldum en því miður hafi þau ekki gripið þessa hagsmuni Íslands.
Hefur í för með sér kostnað fyrir þjóðarbúið
Í frétt Rúv er vísað til þess að mat viðmælanda fréttastofunnar í skipaflutningageiranum sé að kaup á losunarkvóta gæti haft í för með sér um fimm til sex milljarða króna kostnað fyrir skipafélögin þegar reglurnar hafa að fullu tekið gildi árið 2026.
Alveg eins og var bent á í tengslum við flugið er að leggjast kostnaður á þjóðarbúið að koma vörum frá Íslandi á markað erlendis og flytja vörur til Íslands að sögn Vilhelms.
„Tæplega 90% af öllum inn- og útflutningi koma í gegnum skip. Það er opnað á að ákveðin lönd með ákveðin einkenni geti fengið undanþágur og við skiljum ekki af hverju er ekki verið að vinna í því og gæta hagsmuna Íslands.“
„Það þarf að vera til orka og hún þarf að vera græn“
Segir hann þá ríkan vilja allra til að auka við strandflutninga sem eru umhverfisvænni á kostnað álags á þjóðvegina og að innleiðing þessara reglna muni auka olíukostnað við strandflutninga.
„Markmiðið með þessu er göfugt og jákvætt og til lengri tíma mun þetta stuðla að hvatningu til orkuskipta en það er miklu lengra verkefni og það er risastórt. Það þarf að vera til orka og hún þarf að vera græn.“
Tengdar fréttir
Loftslagsvá
Segir lögreglu sá efasemdum um heilindi
Tókst ekki að sanna orsakasambandið
Miður hve langan tíma rannsóknin tók
Ekki öll fyrirtæki sek
Ekkert bendir til þess að atburðarásinni sé lokið
Sanna borgarfulltrúi vill á þing
Hefja formlegt söluferli á Olíudreifingu
131 milljón frá erlendum manni: Gjöf eða lán?