Hafró lýsir eftir strokulöxum

Hafrannsóknarstofnun áréttar mikilvægi þess að laxveiðimenn og veiðiréttareigendur séu vakandi fyrir mögulegum eldiseinkennum á löxum sem þeir veiða.

Í tilkynningu á vef stofnunarinnar segir að áminningin sé gefin út vegna frétta um slysasleppingar laxa úr sjókvíum. 

Frétt af mbl.is

Meintir „Patreksfirðingar“ veiðast víða

Frétt af mbl.is

Tvö göt á fiskkví Arctic Fish

Laxar sem mögulega eru strokulaxar úr eldi hafa nýlega sést í teljurum í ám hér á landi, til dæmis í Laugardalsá.

Einkennin geta verið mjög misáberandi milli eldislaxa sem fer m.a. eftir því hvenær í lífsferlinum viðkomandi lax slapp úr eldi.

Áríðandi er að löxum með eldiseinkenni sé komið til Hafrannsóknastofnunar til rannsókna.

Skýringarmynd/Hafrannsóknarstofnun

Eldislaxar veiðst í stangveiði

Við vöktun á mögulegum áhrifum eldislaxa á náttúrulega laxastofna eru nokkrir þættir vaktaðir. Nokkrar ár hér á landi eru vaktaðar með fiskteljurum. Fiskteljararnir eru búnir myndavélum sem gefa færi á nákvæmu stofnstærðarmati laxfiska, möguleika á mati á magni lúsa á fiski og greiningum á fiski af eldisuppruna.

Reglubundin söfnun erfðasýna af smáseiðum úr ám er notuð til að fylgjast með mögulegri erfðablöndun. Framkvæmd er erfðagreining á uppruna fiska sem veiðast og taldir eru af eldisuppruna.

Á síðustu árum hafa veiðst eldislaxar í stangveiði í ám hér á landi. Greiningar á erfðaefni seiða í ám hafa sýnt merki um erfðablöndun villtra íslenskra laxa og norskættaðra eldislaxa.

• 1 blogg um fréttina

Bloggað um fréttina

• Marteinn Gísli Árnason: Hafro lysir eftir stroku löxum