Svandís segir að með nýjum skilyrðum sé verið að koma til móts við niðurstöður eftirlitsskýrslu Matvælastofnunar um veiðar á langreyðum árið 2022, áliti fagráðs um velferð dýra og skýrslu starfshóps um mat á leiðum til að fækka frávikum við veiðarnar. Spurð hvort skilyrðin séu svo hörð að ekki verði unnt að stunda hvalveiðar, svarar Svandís að ekki sé gert sé ráð fyrir því, enda þurfi að gæta meðalhófs í því samhengi.

Frétt af mbl.is

„Við getum alveg lifað með þessu“

Safni gögnum

Matvælastofnun og Fiskistofu er ætlað að vinna saman að eftirliti með framkvæmd veiðanna sem gert hefur verið ráð fyrir að hefjist í dag. Þá er gert ráð fyrir að stofnanirnar sendi ráðuneytinu skýrslu við lok veiðitímabils þar sem dregnar eru saman helstu niðurstöður eftirlits með hvalveiðum 2023.

Tilbúin að hefja eftirlit

„Við erum tilbúin í það að hefja eftirlit eftir þessari nýju reglugerð og við vinnum náttúrlega eftir því sem lög og reglur segja til á hverjum tíma,“ segir Elín Björg Ragnarsdóttir, sviðsstjóri veiðieftirlitssviðs Fiskistofu, í samtali við Morgunblaðið. Hún kveðst jafnframt ekki vera búin að grandskoða nýju reglugerðina og enn eigi eftir að leggja mat á það hvort allt í reglugerðinni sé framkvæmanlegt.

„Við fengum þetta bara í hendurnar eftir hádegi [í gær] og við erum að fara í gegnum þetta.“

Nán­ari um­fjöll­un er að finna í Morg­un­blaðinu í dag.

Tengdar fréttir

Hvalveiðar

Meirihluti óánægður með ákvörðun Bjarna

• Lög um hvalveiðar úrelt og krefjast endurskoðunar
• Hrefnuveiðar hefjast á Ísafirði í vor
• Gagnrýna ákvarðanir starfsstjórnar
• Segir næstu stjórn sitja uppi með ákvörðun Bjarna

» Fleiri tengdar fréttir