Stuðningsfólk mótmælendanna í tunnum hvalveiðiskipa Hvals hf eyddi nóttinni við bryggju Reykjavíkurhafnar í nótt.

Rúmur sólarhringur er síðan aðgerðasinnarnir Elissa og Anahita klifruðu upp í mastur Hvals 8 og Hvals 9 og læstu sig þar í mótmælaskyni við ákvörðun Svandísar Svavarsdóttur matvælaráðherra um að leyfa hvalveiðar á ný eftir að veiðarnar voru stöðvaðar tímabundið.

Kon­urn­ar standa enn sem fast­ast í tunnunum en lögregla hóf samn­ing­ar­viðræður við þær um tutt­ugu mín­út­ur yfir sex í gærkvöldi. Konurnar hafa ekki gefið sig en lögregla hefur verið með eftirlit á hafnarsvæðinu í nótt.