Neyðarfundur með matvælaráðherra
Setja bókamerki
Neyðarfundur verður haldinn í dag í matvælaráðuneytinu til þess að ræða erfðablöndun eldislaxa við villta Atlantshafslaxinn. Gunnar Örn Petersen, framkvæmdastjóri Landssambands veiðifélaga, segist vonast til þess að matvælaráðherra muni bregðast strax við ástandinu.
„Við erum að fara að hitta matvælaráðherra og starfsfólk ráðuneytisins, þó fyrr hefði verið. Ástandið verður bara verra með hverjum deginum út af þessu eldislaxafári sem er í gangi,“ segir Gunnar í samtali við mbl.is.
„Við vonumst til þess að viðbrögð stjórnvalda verði skýr og komi strax með bein viðbrögð við því sem er að gerast núna,“ segir Gunnar og bætir við að það séu engar ýkjur að um sé að ræða neyðarfund.
/frimg/1/43/76/1437618.jpg)
Sjókvíeldi verði stöðvað
Töluvert hefur fundist af eldislaxi í ám Íslands upp á síðkastið. Til dæmis voru níu eldislaxar háfaðir úr laxastiganum í Blöndu í gær.
Gunnar segir að taka þurfi á ástandinu í ám landsins strax. Hann segir eðlilegt að það sé gert á kostnað þeirra sem misst hafa eldislax úr kvíum sínum. Það þurfi að ganga á það að sækja fiskinn í árnar til þess að koma sem mest í veg fyrir erfðablöndun.
„Það er samt sem áður ekki aðferð sem við viðurkennum sem tæka. Ekki er hægt að ná öllum fisknum. Þetta eru ekki mótvægisaðgerðir sem réttlæta það að megi halda eldi áfram,“ segir Gunnar Örn.
„Síðan þarf að setja fram áætlun sem miðar að því að hætta sjókvíeldi fyrir fullt og allt, það er ekkert flóknara en það.“
Náðun stuðningsmanna Trumps vekur ólík viðbrögð
Viljum hvorki vera Danir né Bandaríkjamenn
Inga Sæland fyrir og eftir ráðherrastólinn
Nýr gróðureldur blossar upp í Los Angeles
Skotinn til bana við skyldustörf
Ekki tekist að vernda börn þrátt fyrir vitneskju
Ákærður fyrir tilraun til manndráps
„Ég hef verið kjaftaskur mikill“