Nær 43% óánægð með ákvörðun Svandísar
Setja bókamerki
Nær 43% landsmanna eru óánægðir með ákvörðun Svandísar Svavarsdóttur matvælaráðherra að leyfða hvalveiðar aftur með hertum skilyrðum. 35% eru ánægðir með ákvörðunina en 23% eru hvorki ánægðir né óánægðir.
Þetta er meðal þess sem kemur fram í þjóðarpúlsi Gallup fyrir september. Niðurstöður könnunarinnar eru svipaðar þeim komu út úr sambærilegri könnun í júlí.
Fram kemur að 48% landsmanna séu almennt andvígir því að Íslendingar stundi hvalveiðar en 32% eru hlynntir því.
Karlar ánægðari en konur
Niðurstöður könnunarinnar gefa til kynna að karlar séu ánægðari með ákvörðun matvælaráðherra en konur. Fólk er líklegra til þess að vera ánægt með ákvörðunina eftir því sem það er eldra.
Fólk sem býr á landsbyggðinni er ánægðara með ákvörðunina en íbúar höfuðborgarsvæðisins. Fólk sem lokið hefur háskólaprófi er óánægðara með ákvörðun Svandísar en fólk með minni menntun.
„Sársauki okkar er nístandi“
Efla vill semja beint við dagforeldra
Ákvörðun Trumps veldur titringi
„Þetta er ógnvænleg staða“
Viljum hvorki vera Danir né Bandaríkjamenn
Hvað er Trump búinn að gera?
Inga Sæland fyrir og eftir ráðherrastólinn