Orkusjóður styrkir verkefni verkefni Samherja sem felst í því að hanna lausn og breyta ísfisktogara félagsins þannig að skipið geti nýtt grænt rafeldsneyti um 100 milljónir króna. Áætlaður kostnaður vegna verkefnisins er tveir milljarðar króna og munu breytingarnar draga verulega úr kolefnislosun.

Þetta kemur fram í færslu á vef Samherja.

Styrkir orkusjóðs séu liður í aðgerðum stjórnvalda til að mæta markmiðum í loftslagsmálum og voru þeir kynntir í byrjun mánaðar.

„Þetta er viðamikið verkefni. Í fyrsta lagi viljum við sem ábyrgur aðili leggja okkar að mörkum að Ísland taki stór skref í átt að settum markmiðum í loftslagsmálum. Sömuleiðis viljum við stuðla að því að innlend fyrirtæki öðlist þekkingu á þeirri tækni sem þarf til að keyra skip á kolefnisfríu eldsneyti og vinnum því náið með leiðandi fyrirtækjum á þessu sviði,“ er haft eftir Hjörvaru Kristjánssyni skipaverkfræðingi.

Systurskipin Björg EA 7 , Kaldbakur EA 1 og Björgúlfur EA 312 Ljósmynd/Samherji

„Þær áætlanir sem við erum að vinna með núna, gera ráð fyrir að breyta skipi þannig að hægt verði að draga úr losun koldíoxíðs um 75% eða sem samsvarar þrjú þúsund tonnum á ári. Við erum þegar í viðræðum við ýmis fyrirtæki í tengslum við þetta verkefni, auk þess sem mikil þekking er innan Samherja, sem hvortveggja gerir okkur kleift að vinna alla þætti með ákveðnum og hnitmiðum hætti. Allt er þetta kostnaðarsamt og eins og fyrr segir gera okkar áætlanir ráð fyrir því að kostnaðurinn við breytingar á einu skipi nálgist tvo milljarða króna,“ segir hann.

„Við höfum alla burði til að vera í forystu á heimsvísu vegna framlags til umhverfismála. Íslenskur sjávarútvegur er í fararbroddi á mörgum sviðum og við hjá Samherja erum vel í stakk búin til að hefja fyrir alvöru undirbúning að því að keyra skipin á kolefnisfríu eldsneyti. Þessi styrkur Orkusjóðs er ánægjuleg staðfesting á því að við erum á réttri braut,“ segir Þorsteinn Már Baldvinsson, forstjóri Samherja, í færslunni.

Tengdar fréttir

Samherji

Samherji hafði betur gegn Odee

• Hafa fjarfest meira en nemur hagnaði
• Fyrrverandi starfsfólki „sé haldið í spennitreyju“
• Þúsundir smáskilaboða fundust í tölvu
• Sumarstarfsmenn gegna lykilhlutverki hjá ÚA

» Fleiri tengdar fréttir

Orkuskipti

„Út í hött“ að neytendur fái ekki sæti við borðið

• Stjórnarsamstarfið geri markmið Íslands torsótt
• Raforkukostnaður hækkaði um 10,7% hjá Veitum
• 77% telja orkuskort yfirvofandi
• 510 milljónir í hreinorku vörubíla

» Fleiri tengdar fréttir

• 1 blogg um fréttina

Bloggað um fréttina

• Geir Ágústsson: Rafeldsneyti án rafmagns