„Augljóst má hverjum vera sem hefur verið til sjós eða hefur einhverja reynslu af aðbúnaði á veiðiskipum að sú mynd sem MAST dregur upp af atvikinu stenst ekki gagnrýna skoðun,“ segir Árni Sverrisson, formaður Félags skipstjórnarmanna, í aðsendri grein sem birt er í Morgunblaðinu í dag.

Þar vísar Árni til tímabundins banns sem Matvælastofnun, MAST, lagði við veiðum Hvals 8 vegna atviks sem varð við hvalveiðar þann 7. september sl. vegna „alvarlegra brota á velferð dýra við veiðar á langreyði“, eins og komist var að orði í fréttatilkynningu.

Segir Árni að MAST hafi metið dýrið hvað eftir annað í góðu skotfæri, sem ekki standist þar sem spil hvalbátsins var fast, lína tengd við dýrið og án slaka sem staðfesti að skotfærið hafi alltaf verið hið sama.

„Af hverju stofnunin mátti svo engan tíma missa til að taka ákvörðun sína og básúna síðan fullyrðingar um lögbrot í fjölmiðlum með tilheyrandi ærumissi fyrir þá sem í hlut eiga?“ spyr Árni Sverrisson í greininni.

Greinina má lesa í Morgunblaðinu í dag, þriðjudag.

Tengdar fréttir

Hvalveiðar

Auka hrefnukvóta í þágu vistkerfisins

• Meirihluti óánægður með ákvörðun Bjarna
• Lög um hvalveiðar úrelt og krefjast endurskoðunar
• Hrefnuveiðar hefjast á Ísafirði í vor
• Gagnrýna ákvarðanir starfsstjórnar

» Fleiri tengdar fréttir