Bjarni Sæmundsson náðist á flot

Rannsóknarskipið Bjarni Sæmundsson sem strandaði á Sveinseyri í Tálknafirði á tíunda tímanum í kvöld er laust af strandstað.  

Í tilkynningu Landhelgisgæslunnar segir að skipið hafi komist á flot á flóði klukkan 23.26 í kvöld með hjálp björgunarskipsins Varðar auk fiskeldisskipanna Fosnafjord og Fosnakongen og var það í kjölfarið fært að bryggju á Tálknafirði. 

Rannsókn á tildrögum slyssins er í höndum rannsóknarnefndar samgönguslysa.