Fólk áttaði sig ekki á því hvað þetta er gott kerfi, segir Guðmundur Kristjánsson, forstjóri Brims, í ítarlegu viðtali við Dagmál, þegar rætt er um íslenska fiskveiðistjórnarkerfið.

Í viðtalinu er meðal annars rifjað upp tilurð fiskveiðistjórnunarkerfisins hér á landi, sem í daglegu tali er kallað kvótakerfið, af hverju það var sett á árið 1984, hvaða árangri það hefur skilað en um leið þá umræðu og á köflum deilur sem hafa ríkt um kerfið allar götur síðan.

„Það voru ekki stjórnmálamenn sem fundu upp fiskveiðistjórnunarkerfið, það voru hagfræðingar og lögspekingar,“ segir Guðmundur meðal annars í viðtalinu. Hann bætir við að sjávarútvegurinn hafi verið svo gott sem gjaldþrota árið 1983, ári áður en kerfið var sett á, enda hafi hann þá verið að ofveiða fiskistofnana og búið var að offjárfesta í greininni á vegum hins opinbera, til dæmis í bæjarútgerðum.

Aðspurður um deilurnar um kerfið segir hann að sjávarútvegurinn megi standa sig betur í því að útskýra og ræða nánar um tilgang þess og árangur.

Frétt af mbl.is

„Það þorir enginn að anda á hann“

Hægt er að horfa á úrklippu úr viðtalinu í spilaranum hér fyrir ofan þar sem fjallað er um þetta atriði. Í viðtalinu er einnig rætt um baráttu Guðmundar við Samkeppniseftirlitið, fjárfestingar sjávarútvegsins í öðrum greinum, pólitíska umræðu um sjávarútveginn og margt fleira.

Hægt er að horfa á viðtalið í heild sinni hér fyrir neðan.

Í skotmáli Samkeppniseftirlitsins

Tengdar fréttir

Dagmál

Skilnaðir og heilsubrestur bugaðs fólks

• „Þau höfðu verið að deyja þessir krakkar“
• Skrítið að enn er bara eitt úrræði í boði
• Næstu skref þingforseta óráðin
• „Það var bara allt í kássu“

» Fleiri tengdar fréttir

• 1 blogg um fréttina

Bloggað um fréttina

• Jack Daniel's: Reyndar rétt að hluta til en....