Gæti lægra verð bætt lýðheilsu?
Setja bókamerki
Verðlækkun verslana á fiskafurðum í Noregi síðastliðið haust skilaði 25% söluaukningu. Ljóst þykir að þetta sanni að fólk vilji neyta fiskjar sé hann á viðráðanlegu verði, en lítil fiskneysla er lýðheilsuvandamál á Íslandi, að því er fram kemur í desemberblaði 200 mílna.
Dagvöruverslunin Kiwi í Noregi ákvað í haust að lækka verð á fiski jafn mikið og nemur virðisaukaskatti þar í landi og bauð því „vsk-lausan“ fisk. Ákváðu í kjölfarið aðrar verslunarkeðjur að gera hið sama og tóku einnig þátt Rema 1000 og Coop Extra. Sjávarfurðaráð Noregs (Norges Sjømatråd) segir frá því í færslu á vef sínum að við lækkunina hafi selt magn í dagvöruverslununum aukist verulega.
„Það er ánægjulegt að sjá að fólk vill borða meiri fisk,“ segir Agnete Bell hjá sjávarafurðaráðinu. Hún kveðst fagna átakinu sem Kiwi hratt af stað. Verðlækkunin hélst í sex vikur frá miðjum ágúst til 1. október. Á þessum tíma seldi Kiwi 457 tonnum meiri fisk í verslunum sínum en sama tíma á síðasta ári. Þetta er 48,4% aukning milli ára.
Töluverð aukning varð í sölu á frosnum fiski hjá verslununum þremur og nam samanlögð aukning í magni 25% á tímabilinu borið saman við sama tímabil í fyrra. Laxinn reyndist einstaklega vinsæll og jókst sala hans um 43%. Einnig varð veruleg aukning í seldu magni unninna sjávarafurða, svo sem fiskibolla, fiskborgara og fiskgratíns.
Nánar má lesa um málið í desemberblaði 200 mílna.
Tvöfalt fleiri börn hefja meðferð við átröskun
DeepSeek kemur á óvart: Kínverjar að taka forystu?
Faraldurinn líkast til af mannavöldum
Hefta þarf aðgengi barna að klámi
Grunað um skemmdarverk í Eystrasaltinu
Rússar missa mikilvæga höfn
Mikilvægt að byggja brýr
/frimg/1/54/44/1544474.jpg)
Áslaug býður sig fram í formannssætið