Dýraverndarsamband Íslands (DÍS) hefur lýst yfir vonbrigðum sínum með álit umboðsmanns Alþingis um að skort hafi lagaheimild til að fresta veiðitímabili á langreyðum síðasta sumar.

Í yfirlýsingu sambandsins kemur fram að í álitinu séu lög um velferð dýra frá árinu 2013 víkjandi en tekið fram að ekki hafi verið nægilega skýr stoð í lögum um hvalveiðar frá 1949 fyrir ákvörðun matvælaráðherra um að fresta veiðum.

Frétt af mbl.is

Kveðst ekki hafa átt annan kost

Þannig sé í áliti umboðsmanns „vægi 75 ára úreltra hvalveiðilaga metið mun þyngra en 11 ára laga um dýravelferð”.

„DÍS telur það vera mikið áhyggjuefni að dýravelferð er sett til hliðar og hvetur ríkisstjórn og Alþingi til þess að ganga án tafar í að endurskoða löggjöf þannig að dýr njóti vafans, en að atvinnuréttur sé ekki látinn ganga framar því að uppfylla lög um dýravelferð. Í tilviki Hvals hf var búið að sýna fram á veiðarnar væru ekki í samræmi við lög um velferð dýra og því bar ráðherra að bregðast við,” segir í yfirlýsingunni.

Frétt af mbl.is

Vantrauststillaga á matvælaráðherra

Þar kemur jafnframt fram að álit umboðsmanns leiði í ljós nauðsyn á endurskoðun og breytingu laga umfram allt annað.

Tengdar fréttir

Hvalveiðar

Meirihluti óánægður með ákvörðun Bjarna

• Lög um hvalveiðar úrelt og krefjast endurskoðunar
• Hrefnuveiðar hefjast á Ísafirði í vor
• Gagnrýna ákvarðanir starfsstjórnar
• Segir næstu stjórn sitja uppi með ákvörðun Bjarna

» Fleiri tengdar fréttir

• 2 blogg um fréttina

Bloggað um fréttina

• Örn Gunnlaugsson: Ekki úrelt.
• P.Valdimar Guðjónsson: Ráðherra fer að lögum.