Ójafn leikur bílaframleiðenda

Ford, Renault og Volkswagen hafa varað við þeim gjörningi sem nú stendur fyrir dyrum þar sem franska ríkið ætlar að verja stórum fjárhæðum í PSA Peugeot Citroën-samsteypuna til að verja hana gjaldþroti. Þetta þykir þeim ójafn leikur sem muni færa PSA forskot á hinum erfiða bílamarkaði í Evrópu.

Efast er um lögmæti þessa gjörnings. Á meðan er Ford að loka verksmiðjum í Belgíu og Bretlandi og draga úr framleiðsla annarra. Ford áætlar að fyrirtækið tapi 1,5 milljörðum evra á árinu í Evrópu og spáir því sama á næsta ári, en stuðningur franska ríkisins til PSA nemur 7 milljörðum Evra.

Renault ætlar ekki heldur að líða það að þessi innspýting, sem á að heita lán, verði til þess að hamla eðlilegri samkeppni og ætlar að fylgjast vel með öllum smáatriðum í áætlunum franska ríkisins. Volkswagen hefur lýst því yfir að fyrirtækið sé mjög mótfallið þessum hugmyndum og ætli að vísa málinu til Evrópudómstólsins.

• 1 blogg um fréttina

Bloggað um fréttina

• Ómar Ragnarsson: Ójafn leikur íslenskra fyrirtækja?