Þetta var einu sinni Ferrari

Það er lyginni líkast að 42 ára gamall ökumaður þessa Ferrari hafi sloppið lifandi þegar bíllinn fór út af veginum, nokkrar veltur og endaði á trjám.

Óhappið átti sér stað í Bæjaralandi, fyrir utan Langquaid. Þegar slökkviliðsmenn komu á staðinn sáu þeir aðeins ólögulegt flak bílsins, en brak úr því var dreift yfir 100 metra svæði. Vél bílsins var hinu megin við veginn.

Ökumaðurinn var fastur í flakinu og þurfti að klippa hann út. Þó hann hafi verið alvarlega slasaður má hann teljast heppinn að vera á lífi. Hann var fluttur strax á sjúkrahús með þyrlu, segir í frétt Bild.

Bíllinn fór nokkrar veltur og endaði á trjám. KAMERA24.TV

• 1 blogg um fréttina

Bloggað um fréttina

• Ásgrímur Hartmannsson: Ferrari, gerður til að keyra hratt