17 ný umferðarmerki taka gildi
Eitt hinna nýju umferðarmerkja. Það vísar á sölustað þar sem boðið er upp á ís sem er framleiddur eða gerður í ísvél á staðnum, eins og þar segir.
Setja bókamerki
Sautján ný umferðarmerki hafa bæst í hóp þeirra sem áður voru í gildi. Þar af eru fjögur aðvörunarmerki, eitt boðmerki, þrjú upplýsingamerki, fjögur þjónustumerki, tvö undirmerki auk fimm annars konar merkja.
Þetta kemur fram í Stjórnartíðindum frá því á fimmtudag í síðustu viku, en þar eru birtar myndir af merkjunum og hlutverk þeirra og tilgangur útskýrður.
Hér má sjá Stjórnartíðindin og nánari útskýringar á nýju merkjunum.
Þetta nýja merki aðvarar um hættuleg vegamót þar sem umferð á vegi hefur forgang.
Nýtt merki sem er notað í jarðgöngum til að sýna vegalengd til gangamunna.
