Sameinast um átak gegn hraðakstri
Öruggast er fyrir ferðalanga að halda sig á löglegum hraða.
mbl.is/Sigurður Bogi
Setja bókamerki
Lögreglumenn í 25 löndum í Evrópu halda þessa dagana uppi öflugu eftirliti með hraðakstri í þeim tilgangi að leggja áherslu á slysahættuna sem af slíkum akstri stafar.
Átakið hefur verið samræmt af evrópsku umferðarlögreglunni (TISPOL) en auk þess að vekja athygli á slysahættunni er ætlunin að auka á meðvitund ökumanna fyrir því að það sé vegfarendum fyrir bestu og hættuminnst, að bílum sé ekið á löglegum hraða og hraða sem hæfir aðstæðum.
Í samskonar aðgerð í ágústmánuði í fyrra voru 554.000 hraðabrot numin í löndunum 25 í vikunni sem átakið stóð yfir, einnig í ágústmánuði.
