Islandus.is hefur sölu á Nissan Leaf

Nýtt fyrirtæki, Islandus.is, hefur hafið sölu á Nissan Leaf-rafbílum með 100% fjármögnun. Í fréttatilkynningu segir fyrirtækið að bíllinn henti vel til leiguaksturs og ódýrara sé fyrir leigubílstjóra að henda gamla bílnum og skipta í rafbíl.

„Viðskipavinir njóta virkilega akstursins í rúmgóðum og næstum hljóðlausum bíl á meðan leigubílstjórinn og rekstraraðili bílsins sparar hundruð króna í hverri ferð, nærri hundrað þúsund krónur á mánuði miðað við 70.000 km akstur á ári, sem er algengt á leigubílum,“ segir í tilkynningunni.

Þar kemur fram, að Islandus.is geti boðið Nissan Leaf-rafbílinn með 100% fjármögnun.  Mánaðarleg afborgun sé um 80.000 krónur.

Nánari upplýsingar er að finna á heimasíðu Islandus.is.

• 1 blogg um fréttina

Bloggað um fréttina

• Ástþór Magnússon Wium: Morgunblaðið úti á túni