Blússandi gangur þrátt fyrir risa innkallanir
Setja bókamerki
General Motors (GM) virðist hafa breytt rétt er fyrirtækið ákvað að ráða Mary Barra sem forstjóra en hún er fyrsta konan sem nær svo langt í bandarískum bíliðnaði, og þótt víðar væri leitað.
Þrátt fyrir erfiðleika vegna innköllunar bíla, jafnvel vegna gamalla galla, hefur ekki bitnað á sölu nýrra bíla. Barra hefur tekist að stýra skipi sínu gegnum stærstu brotsjóina og inn á lygnari sjó því útlit er fyrir að annan ársfjórðunginn í röð hafi bílasala aukist, eða um 2,7% frá byrjun apríl og til júníloka. Mest hefur eftirspurn aukist eftir jeppum og stórum pallbílum.
Greinandi hjá Morgan Stanley segir Barra hafa tekist mjög vel upp við vitnaleiðslur í bandaríska þinginu, en þar sat hún fyrir svörum rannsóknarnefndar þingsins í máli er snýst um galla í kveikjubúnaði bíla. „Hún sneiddi frábærlega gegnum sprengjusvæði,“ segir hann.
Þessu til viðbótar hafa hlutabréf í GM hækkað um 6,2% frá í febrúar er tilkynnt var um fyrstu innkallanir á bílum vegna kveikjugalla.
