Sífellt fleiri ökutæki fá grænan miða
Bílafloti landsmanna er einn sá elsti í Evrópu og hafa bifvélavirkjar nóg að gera við að halda honum gangandi.
mbl.is/Júlíus
Setja bókamerki
Samkvæmt upplýsingum frá Samgöngustofu, sem teknar voru saman fyrir Morgunblaðið, fengu tæplega 40 þúsund ökutæki grænan endurskoðunarmiða hjá skoðunarfyrirtækjunum á síðasta ári.
Það sem af er ári hafa yfir 30 þúsund ökutæki verið endurskoðuð og stefnir því í svipaðan fjölda á þessu ári og í fyrra. Árið 2008 fóru um 26 þúsund ökutæki í endurskoðun.
Bílafloti landsmanna er með þeim allra elstu í Evrópu, með 12 ára meðalaldur. Í ríkjum ESB er meðalaldurinn 8,6 ár, að því er fram kemur í fréttaskýringu í Morgunblaðinu í dag.
