Samsung stefnir á bílamarkaðinn
AFP
Setja bókamerki
Samsung Electronics ætlar að kaupa bandaríska tæknifyrirtækið Harmann International Industries á 8 milljarða Bandaríkjadala. Kaupin á bandaríska fyrirtækinu eru liður í aðgerðum fyrirtækisins í að komast inn á ört vaxandi markað fyrir tæknifyrirtæki í bílaframleiðslu.
Stjórn Samsung, en fyrirtækið er stærsti framleiðandi snjallsíma í heiminum, hefur samþykkt kaupin en greitt verður fyrir Harmann með reiðfé. Þetta er stærsti kaupsamningur sem Samsung hefur gert.
Harman framleiðir hljóðkerfi, net- og afþreyingarkerfi fyrir bílaframleiðendur eins og General Motors og Fiat Chrysler.
