Vegagerðin fékk 63% umferðargjalda

Á síðustu fjórum árum hefur Vegagerðin fengið til sín allt frá 59 til 64 prósent af helstu gjöldum tengdum umferðinni. Í fyrra námu tekjur ríkissjóðs af vörugjöldum af ökutækjum og bensíni, ásamt kolefnis-, olíu-, bifreiða- og kílómetragjaldi samtals 39,7 milljörðum króna.

Þar af runnu 25 milljarðar til Vegagerðarinnar sem meðal annars sér um viðhald og framkvæmdir á vegakerfinu.

Inni í því eru 17,7 milljarðar sem sérstaklega voru markaðir Vegagerðinni en 7,3 milljarðar komu úr ríkissjóði. Hlutfall tekna Vegagerðarinnar miðað við tekjurnar sem ríkissjóður hafði af umferðinni í fyrra var 63%.

Þetta kemur fram í svari Benedikts Jóhannessonar, fjármálaráðherra, við fyrirspurn Elsu Láru Arnardóttur, þingmanns Framsóknarflokksins.

Útgjöld Vegagerðarinnar hafa á síðustu fjórum árum annars vegar verið fjármögnuð með mörkuðum tekjustofnum, þ.e. sérstöku vörugjaldi af bensíni, olíugjaldi, kílómetragjaldi og vitagjaldi, og hins vegar með beinum framlögum úr ríkissjóði.

• 1 blogg um fréttina

Bloggað um fréttina

• Arnar Guðmundsson: Ríkið glatar 27% við innheimtu