100 þúsund hreinorkubílar 2030

Hreinorkubílar þurfa að vera orðnir um 100 þúsund talsins árið 2030 að öllu óbreyttu ef Íslendingar ætla sér að standast skilmála Parísarsamkomulagsins frá 2015.

Þetta segir Sigurður Friðleifsson, framkvæmdastjóri Orkuseturs, í umfjöllun um mál þessi í ViðskiptaMogganum í dag.

Segir hann rafbílavæðinguna þurfa að ganga hraðar svo það megi takast en í dag nemur fjöldi hreinorkubíla samkvæmt vef Orkuseturs í landinu tæplega 9 þúsundum en inn í þeirri tölu eru rafbílar, metanbílar, og tengiltvinnbílar.