Sýndu Volvo XC40 mikinn áhuga

Fullt var útúr dyrum allan daginn á frumsýningu Volvo XC40 Recharge tengiltvinnbílsins hjá Brimborg á laugardaginn var. Hann hefur hlotið góðar viðtökur alveg frá því að forsalan hófst.

„Volvo XC40 hefur fengið einstakt lof um allan heim fyrir einstaka hönnun að utan sem innan síðan hann kom á markað og var meðal annars valinn bíll ársins í Evrópu 2019. Nú er hann kominn í nýrri framdrifinni rafhlaðinni tengiltvinnútgáfu. Bíllinn sem þú treystir til að vernda fjölskylduna verndar nú umhverfið líka,“ segir í tlkynningu.

Um þessar mundir eru fyrstu bílarnir að koma til eigenda sinna og munu  fljótlega sjást á götunum. Volvo XC40 Recharge tengiltvinnbíllinn kostar frá 5.090.000 kr.

Meðfylgjandi myndir voru teknar á sýningu Volvo XC40 hjá Brimborg sl. laugardag.