Innkalla tæplega 500 þúsund Teslur
Gallarnir finnast í Model 3 og Model S.
AFP
Setja bókamerki
Bílaframleiðandinn Tesla innkallar nú tæplega 500 þúsund rafmagnsbíla vegna galla í skotti bílanna sem getur aukið líkurnar á slysi.
Bilunin felst annað hvort í því að hægt sé að slökkva á bakkmyndavél bílanna eða skottið opnast óvænt. Tesla mun upplýsa eigendur bílanna um gallann og lagfæra bílanna án endurgjalds.
Um 355 þúsund bíla af gerðinni Tesla Model 3 eru innkallaðir þar sem að við opnun og lokun á skottinu eyðileggst snúra sem tengd er við bakkmyndavél bílsins. Tesla telur að um 1% Model 3 bifreiðanna beri gallann.
Þá eru 120 þúsund bíla af gerðinni Model S innkallaðir vegna galla í læsingu á skottinu. Talið er að um 14% Model S beri gallann.
