Eldgos hefur ekki áhrif á ferðalög til Kanarí
Setja bókamerki
/frimg/1/30/66/1306683.jpg)
Þórunn Reynisdóttir, framkvæmdastjóri ferðaskrifstofunnar Úrvals Útsýnar, segir að eldgosið á La Palma hafi lítil áhrif á ferðalög til Kanaríeyja. Eldgosið hefur ekki haft áhrif á bókanir hjá ferðaskrifstofunni og segir Þórunn að fólk sé óhrætt við að skella sér í sólina.
Eldfjallið Cumbre Vieja fór að gjósa á sunnudaginn síðasta og hafa 320 byggingar eyðilagst á eyjunni vegna eldgossins.
La Palma er í um 150 kílómetra fjarlægð frá Tenerife, einum af vinsælustu áfangastöðunum hjá Íslendingum. Úrval Útsýn er með ferðir til Tenerife og hefur einnig ferðir til Gran Canaria nú í haust.
„Það hefur bara verið óbreytt. Fólk er upplýst ef eitthvað breytist og hefur verið það í langan tíma. Auðvitað fylgjumst við vel með stöðunni en eldgosið hefur ekki haft áhrif á flugsamgöngur á eyjunni,“ segir Þórunn sem sjálf var stödd á Alicante þegar mbl.is náði af henni tali.
„Það virðast allir ætla að skella sér í sólina í vetur. Það er búið að vera mikið að gera í bókunum og gaman að sjá að landinn er að kippa við sér og vill núna fara í sólina,“ segir Þórunn.
Ákærður fyrir stunguárás á menningarnótt
Létu lofthræðsluna ekki á sig fá
Íslensk kona handtekin á Tenerife eftir líkamsárás
Auka aðgengi að Grindavík
Rannsókn á menningarnæturmáli lokið
Dæla, kæla og verja mikilvæg mannvirki
Fæðuöryggi: „Áttum mat í þrjár vikur“
