Ráðningastofan Yolk Recruitment Ltd. ætlar að bjóða öllum starfsmönnum sínum í fjögurra daga ferð til Tenerife í byrjun apríl. Fá starfsmennirnir frí á meðan og greiðir fyrirtækið allan kostnað. Fyrirtækið segir frá þessu í færslu á LinkedIn.

Yolk er staðsett í Cardiff í Wales en með ferðinni vill fyrirtækið verðlauna starfsfólk fyrir vel unnin störf í heimsfaraldrinum. Allir starfsmenn fá að fara í ferðina, ekki bara yfirmenn og millistjórnendur en fyrirtækið telur alls 55 starfsmenn. 

Þau sem voru ráðin í upphafi árs 2022 fá einnig að koma með í ferðina þrátt fyrir að hafa ekki unnið í faraldrinum. 

Starfsmenn fyrirtækisins munu dvelja á H10 Costa Adelje Palace hótelinu á vesturströnd Tenerife. Mun ferðin kosta í það minnsta 100.000 pund eða rúmar 16 milljónir króna.

Tengdar fréttir

Tenerife

Eva Ruza tryllti lýðinn á Tenerife

• Birgitta Líf flúði gulu viðvörunina til Tenerife
• „Mínar uppáhaldsminningar eru eyjahoppin í Tælandi“
• Mari farin í verðskuldað frí til Tenerife
• Mari bauð forsetanum til Tenerife

» Fleiri tengdar fréttir

• 1 blogg um fréttina

Bloggað um fréttina

• Ómar Ragnarsson: Íbúar Sovétríkjanna norðan heimskautsbaugs fengu ókeypis ferð til Krím.