Hvetja Íslendinga til að skoða spár

Mikilli hitabylgju er spáð í Vestur- og Mið-Evrópu og fer veðrið hlýnandi næstu daga. Veðurstofan hvetur Íslendinga sem ætla erlendis, til þess að kynna sér vel veðurspána á þeim stað sem förinni er heitið.

Frétt af mbl.is

Hitabylgja í Evrópu „háalvarlegt mál“

Appelsínugul veðurviðvörun tók gildi í dag til sunnudags á Gran Canaria, einni af Kanaríeyjum, þar sem í hitinn getur farið í 36 stig í austri, suðri og vestri. 

Spá frá Reiknimiðstöð Evrópu, sem gildir vikuna 18.-25. júlí, sýnir hitafrávik næstu vikuna. Hlýjast verður á Ítalíu, á Mið-Spáni, norðan-, austan- og sunnanverðu Frakklandi og í Mið-Evrópu. 

Óvenju­mik­il hita­bylgja hef­ur þá gengið yfir Ítal­íu og lítið hef­ur verið um rign­ingu sem valdið hefur miklum þurrkum í norðurhluta landsins.

Hitafrávik dagana 18.-25. júlí sýna hvar hitabylgjan verður mest. Skjáskot/Reiknimiðstöð evrópskra veðurstofa

• 1 blogg um fréttina

Bloggað um fréttina

• Ómar Ragnarsson: Kannski hvergi brýnna en hér á landi; "að skoða spár."