Ferðamynstur Íslendinga að breytast
Setja bókamerki
Ferðamynstur Íslendinga er að breytast. Landsmenn bóka nú utanlandsferðir með skemmri fyrirvara og fara í fleiri en eina ferð yfir sumarið.
Þetta er mat Þórunnar Reynisdóttur, forstjóra Úrvals Útsýns.
Svartsýn í byrjun sumars
Þórunn segir sumarið hjá Úrval Útsýn hafa gengið vel. Þau hafi þó verið svartsýn í byrjun sumars vegna þessa breytta ferðamynsturs.
„Það hefur gengið fram úr vonum. Við vorum svolítið svartsýn í byrjun vegna breytts ferðamynsturs Íslendinga. Þeir stökkva orðið bara með engum fyrirvara og fara í fleiri en eina ferð,“ segir Þórunn í samtali við mbl.is.
Aðspurð segist hún hafa byrjað að taka eftir þessari þróun eftir Covid-19 tímabilið.
Fjölskyldur tregari til að ferðast
Spurð hvort fleiri séu að ferðast í sumar miðað við síðasta sumar segist Þórunn ekki vera komin með lokatölur fyrir sumarið. Hún bendir þó á að fjölskyldufólk sé minna að ferðast eftir heimsfaraldurinn.
„Það sem við verðum meira vör við er að það er hægari gangur í fjölskyldum að ferðast. Við finnum svolítið fyrir því. Þar gæti efnahagurinn spilað inn í eða þá bara að þau fara hægar af stað í ferðalögin með stórfjölskylduna.“
Tenerife stendur alltaf fyrir sínu
Þórunn segir vinsælustu staðina hjá Úrval Útsýn í sumar hafa verið Gardavatnið, Almería, Krít og svæðið í kringum Alicante. Þá standi Tenerife alltaf fyrir sínu.
„Tenerife er alltaf vinsæll en hinir staðirnir sækja í sig.“
Hún segir fólk strax byrjað að bóka borgarferðir í haust.
„Það er varla búið að klára bóka sumarfríið þegar það byrjar að horfa á borgarferðirnar í haust.“
Fólk ekki að afbóka ferðir vegna hitans
Miklar hitabylgjur hafa geisað á meginlandi Evrópu í sumar. Að sögn Þórunnar hefur Úrval Útsýn ekki verið með ferðir á þau svæði þar sem allra heitast hefur verið. Því hafi fólk ekki verið að afbóka eða fresta útlandaferðum sínum. Þá segir hún Íslendinga orðna ferðavana og þeir passi upp á sig í hitanum.
„Ég held að fólk sé orðið ferðavant. Það passar að fá sér gistingu með kælingu og er ekki úti þegar heitast er,“ segir Þórunn.
Fullvissa ferðamenn um að hér sé öruggt
Hótar Bretum og Bandaríkjamönnum
Þarf að koma til móts við ólíkar þarfir lækna
Litlar líkur á að hraunið nái til mannvirkja
/frimg/1/53/8/1530844.jpg)
Myndir: Náttúrulegur þröskuldur að taka við
Drónamyndskeið frá hápunkti gossins í nótt
