Bláa lónið opnar að nýju
Setja bókamerki
Bláa lónið opnar að hluta til sunnudaginn 17. desember, en lóninu var lokað 9. nóvember síðastliðinn vegna jarðhræringanna á Reykjanesskaga.
Fram kemur í tilkynningu sem Bláa lónið sendi frá sér í kvöld að frá og með sunnudeginum 17. desember opni lónið sjálft, veitingastaðurinn Lava og heilsulindir lónsins á nýjan leik.
Þá verði hótelin Silica og Retreat ásamt veitingastaðnum Moss haldið lokað að svo stöddu, en staða þeirra verður endurmetin að morgni 21. desember.
Í tilkynningu Bláa lónsins segir að opnunartími þess verði á milli 11-20 á sunnudag og er gestum bent á að kynna sér komuleiðbeiningar fyrirtækisins þar sem eingöngu rútur séu leyfðar á Grindarvíkurvegi.
Þá sé jafnframt hægt að nálgast frekari upplýsingar um uppfærðan opnunartíma Bláa lónsins og öryggisráðstafanir vegna jarðhræringa á Reykjanesskaga á heimasíðu fyrirtækisins.
Á algjöru frumstigi eftir þrjár vikur af verkfalli
Borgin verður af milljörðum eftir dóm Hæstaréttar
Spara stórfé með olíukaupum ytra
Tekist á um áður óþekkta skýrslu landlæknis
Hraun fór yfir Grindavíkurveg
Hvað gerðist eiginlega í VMA?
Gosið gæti varað lengur: Meiri fyrirstaða í gosrásinni
Bergur er fallinn
