Ekki taka upp úr ferðatöskum

Mælt er frá því að taka upp úr töskunum á hótelherbergjum. Það þarf að minnsta kosti að vanda valið hvert maður setur fötin.

„Viðar kommóður á hótelherbergjum hafa ýmsar rifur og horn þar sem meindýr gætu leynst. Mikið hefur borið á svokölluðum rúmpöddum eða veggjalús á hótelum erlendis og þær elska allar svona rifur. Þessar pöddur eru ekki bara í rúmunum. Þá eru þessir staðir sjaldnast þrifnir,“ segir Dr. Jason Singh í færslu á samfélagsmiðlinum Instagram. 

„Það er gott ráð að nota vasaljós til þess að kíkja í þessi skúmaskot til að ganga úr skugga um að engin óæskileg dýr leynist þar. Þá skal fara í saumana á öllu, líka stólum og púðum. Þá skal grandskoða skrifborðin, náttborðin og kommóður. Þá geta pöddurnar einnig leynst á veggjunum, í veggfóðrinu, hjá innstungum og í rúmgöflum.“

„Best er að geyma fötin í ferðatöskunni og taka bara upp úr henni það sem þarf hverju sinni. Að hengja föt upp á herðatré er næst besti kosturinn. Þá er best að geyma ferðatöskuna í baðkarinu um leið og maður kemur inn í herbergið. Það er öruggasta svæðið til þess að forðast pöddurnar. Það gefur manni líka tíma til þess að rannsaka herbergið fyrir pöddum.“

Frétt af mbl.is

Þetta þarft þú að vita um veggjalús og ferðalög

• 1 blogg um fréttina

Bloggað um fréttina

• Jens Guð: Pottþétt ráð gegn veggjalús