Bensíneyðslu mótmælt á hinum alþjóðlega Hjólaðu nakinn degi

Ungir reiðhjólamenn tóku sig saman og hjóluðu naktir um miðborg Prag í Tékklandi, enda er 10. júní alþjóðlegi Hjólaðu nakinn dagurinn. Þetta var í fyrsta sinn sem Prag tók þátt í þessum degi en í 50 borgum um heim allan hjólaði fólk nakið til að mótmæla óhóflegri neyslu á olíu og fjölgun bíla í heiminum.

„Þar sem þetta er lítið þekkt hér, þá voru það helst ferðamenn sem sýndu viðbrögð, hlógu og veifuðu," sagði skipuleggjandi viðburðarins í Tékklandi, Filip Novotny eftir að hann og tíu félagar hans höfðu hjólað í eina klukkustund um Prag.

Ein stúlka var í hópnum og hópurinn lenti ekki í neinum vanda þegar hjólað var um miðbæinn.

Novotny sagði að mengun væri stórt vandamál í Tékklandi. Hann lofaði því að nöktu reiðhjólamennirnir yrðu mun fleiri í Prag á næsta ári.

Ein kona var í tíu manna reiðhjólahópnum. Reuters

• 2 blogg um fréttina

Bloggað um fréttina

• Fararstjórinn: Hjólum allsber í Reykjavík
• Pálína Erna Ásgeirsdóttir: Mér verður kalt af tilhugsuninni um árlega hjóladaginn 10. júní