Bílarnir brunuðu á toppinn

Tölvuteiknimyndin Bílarnir brunaði beint í fyrsta sætið á aðsóknarlista norður-amerískra kvikmyndahúsa um helgina og námu tekjur af myndinni 62,8 milljónum króna, jafnvirði 8,6 milljörðum króna. Er þetta sjöunda myndin í röð frá Disney-Pixar, sem slær í gegn og það þótt hún hafi fengið frekar slaka dóma gagnrýnenda.

Myndin fjallar um tvo kappakstursbíla sem þeir Owen Wilson og Paul Newman tala fyrir.

Hryllingsmyndin Táknið, sem er endurgerð samræmdrar myndar um son Kölska, fór beint í 4. sætið en myndin var raunar frumsýnd á þriðjudaginn 6.6.06 af táknrænum ástæðum; 666 er tala falskrists.

Kvikmyndin A Prairie Home Companion, sem fjallar um samnefndan útvarpsþátt, fór beint í 7. sæti. Myndin var sýnd hér á dögunum þegar útvarpsmaðurinn Garrison Keillor tók upp einn þátt í Þjóðleikhúsinu.

Listinn yfir vinsælustu myndirnar var þessi:

1. Cars
2. The Break-Up
3. X-Men: The Last Stand
4. The Omen
5. Over the Hedge
6. The Da Vinci Code
7. A Prairie Home Companion
8. Mission: Impossible III
9. RV
10. Poseidon.

• 1 blogg um fréttina

Bloggað um fréttina

• Pálína Erna Ásgeirsdóttir: Ég varð fyrir vonbrigðum þegar...