Magni í stuði í Rockstar

Magni Ásgeirsson var í miklu stuði í sjónvarpsþættinum Rockstar í gærkvöldi og raunar einnig í kvöld því félagarnir í hljómsveitinni Supernova, sem stýra þáttunum, báðu hann um að endurtaka flutning sinn á laginu „Plush" sem Stone Temple Pilots gerðu frægt.

Þeir Jason Newsted, Tommy Lee og Gilby Clarke voru mjög ánægðir með frammistöðu Magna í gærkvöldi og Tommy Lee, sem til þessa hefur verið nokkuð gagnrýninn, hafði aðeins eitt orð um hana: Magnificent.

Fram kom í kvöld, að fimm þátttakendur voru um tíma í þremur neðstu sætunum í atkvæðagreiðslu áhorfenda eftir þáttinn í gærkvöldi en Magni var ekki þar á meðal. Jenny Galt, 24 ára gömul söngkona frá Kanada, var send heim að þessu sinni og eru nú 12 söngvarar eftir, sem keppa um að fá að syngja með hljómsveitinni Supernova.

Jenny Galt var send heim.

• 1 blogg um fréttina

Bloggað um fréttina

• Pálína Erna Ásgeirsdóttir: Niðurstöðir í samræmi við skoðanakönnunina