Magni sjötti í röðinni í nótt

Lagalisti keppenda í fjórða þætti Rock Star Supernova, sem sýndur verður á Skjá Einum klukkan 1 í nótt, er tilbúinn. Magni Ásgeirsson er sjötti í röðinni og syngur lagið Heroes eftir David Bowie.

Á netsíðunni supernovafans.com, þar sem aðdáendur þáttanna geta valið þann sem þeim þykir líklegastur til að hreppa auða sætið í Supernova, hefur Magni fengið 75,6% atkvæði og hefur töluvert forskot á næsta keppanda sem er Dilana með 12,4% kosningu.

Lagalistinn í kvöld lítur svona út:

1. Lukas - Bittersweet Synphony: The Verve
2. Zayra - Call Me: Blondie
3. Dana - About A Girl: Nirvana
4. Patrice - Remedy: The Black Crows
5. Toby - White Wedding: Billy Idol
6. Magni - Heroes: David Bowie
7. Ryan - I Alone: Live
8. Jill - Brown Sugar: The Rolling Stones
9. Phil - One Headlight: The Wallflowers
10. Dilana - Time After Time: Cyndi Lauper
11. Josh - No Rain: Blind Melon
12. Storm - Anything Anything: Dramarama

Hægt er að greiða atkvæði eftir að allir þátttakendur hafa sungið og verða úrslitin tilkynnt annað kvöld. Þá kemur í ljós hvaða keppandi verður sendur heim.

Heimasíða Rock Star Supernova

• 1 blogg um fréttina

Bloggað um fréttina

• Pálína Erna Ásgeirsdóttir: Glæsilegt hjá mbl.is að birta lagalistann