George Clooney barnlaus og útundan

Leikarinn George Clooney finnst sem hann sé útundan við tökur á kvikmyndinni Ocean's Thirteen en leikararnir Brad Pitt og Matt Damon hafa náð vel saman sem nýbakaðir feður.

Eiginkona Damons, Luciana Barroso, fæddi dótturina Ísabellu í júní, en þetta var fyrsta barn þeirra hjóna. Angelina Jolie og Brad Pitt eignuðust svo dótturina Shiloh Nouvel í Namibíu sem væntanlega hefur ekki farið fram hjá neinum.

Pitt og Damon hafa verið að skiptast á góðum ráðum og barnasögum og þar hefur Clooney verið fjarri góðu gamni.

Frásagnir herma að Clooney kalli þá Pitt og Damon „nýja pabbagengið“.

• Blogga um frétt