Aðþrengdar eiginkonur rifust heiftarlega um handtösku

Fregnir herma að þær Eva Longoria og Nicolette Sheridan, sem fara með tvö aðalhlutverk í Aðþrengdum eiginkonum, hafi lent í hávaðarifrildi út af handtösku. Mun þeim hafa lent saman þegar Nicolette, sem leikur Edie Britt í þáttaröðinni, ásældist tösku sem Charlie Lapson hafði hannað fyrir persónuna sem Eva leikur, Gabrielle Solis.

Lapson segir deilu leikkvennanna hafa haft verulega óþægileg áhrif, og því hafi hann gripið til þess ráðs að hanna aðra tösku til að báðar yrðu ánægðar. Breska blaðið Mail on Sunday hafði eftir honum: „Þær vildu báðar hafa töskuna í ákveðnu atriði. Þær rifust og rifust þangað til ég ákvað að hann nýja tösku fyrir Evu.“

• Blogga um frétt