Góðgerðarsamtök afþökkuðu talandi Jesú-dúkkur

Bandarískur leikfangaframleiðandi bauðst til að gefa 4.000 dúkkur af Jesú Kristi til góðgerðarstarfs sem helgað er börnum en dúkkurnar voru afþakkaðar. Dúkkan fer með vers úr Biblíunni. Góðgerðarstarfið felst í því að færa fátækum og þurfandi börnum jólagjafir.

Framleiðandi Jesú-dúkkunnar, one2believe, býr til leikföng tengd Biblíunni. Góðgerðarsamtökunum leyst ekki á að hafa leikföngin svo trúarleg og benda á að börnin sem fái þau geta tilheyrt ólíkum trúfélögum. Samtökin heyra undir ríkið og því ekki við hæfi að hafa svo trúarlegar tilvísanir í gjöfum þess.

Jesús segir meðal annars ,,Elska náunga þinn líkt og sjálfan þig", en dúkkan kostar 20 dollara út úr búð í Bandaríkjunum. Góðgerðarsamtökin dreifðu 18 milljón gjöfum í fyrra, tuskudýrum, leikjum, leikfangabílum og fleiru sem ekki telst trúarlegs eðlis.

• Blogga um frétt