Jessica Simpson miður sín vegna sögusagna um kynlífsmyndband á Netinu

Jessica Simpson mun vera gjörsamlega miður sín vegna sögusagna um að heimagert kynlífsmyndband með henni sjálfri og eiginmanni hennar fyrrverandi í aðalhlutverkum verði brátt birt á Netinu. Haft er eftir heimildamönnum að myndbandið sé í raun og veru til, og sé nú komið í hendurnar á sömu mönnum og birtu á Netinu kynlífsmyndband með Pamelu Anderson og Tommy Lee.

Breska dagblaðið Daily Sport hefur eftir heimildamanni: „Jessica er miður sín yfir því að vera nefnd í sömu andrá og kynlífsmyndband. Hún hefur ætíð lagt sig fram um siðvendni og reglusemi.“ Að sögn sýnir myndbandið Jessicu og eiginmann hennar fyrrverandi, Nick Lachey, við ýmsar kynlífsathafnir.

Mennirnir sem nú eru sagðir hafa myndbandið undir höndum eru sagðir hóta að birta það á Netinu ef Jessica greiði ekki ótilgreinda upphæð til að koma í veg fyrir það.

• 1 blogg um fréttina

Bloggað um fréttina

• Krummi: Enn af kynlífsmyndböndum