Snoop Dogg handtekinn með eiturlyf við myndver NBC

Rapparinn Snoop Dogg var handtekinn í gærkvöldi eftir að hann yfirgaf myndver NBC í Burbank nærri Los Angeles í Bandaríkjunum. Rapparinn var að koma úr upptökum á spjallþætti Jay Leno þegar hann var handtekinn, en í bíl hans fannst skammbyssa, kókaín og maríjúana. Þetta er í þriðja sinn sem tónlistarmaðurinn kunni, sem m.a. hefur heimsótt Ísland, kemst í kast við lögin á þremur mánuðum.

Í október síðastliðnum fundust eiturlyf og byssa í bíl Dogg þegar hann var stöðvaður fyrir að leggja ólöglega við Bob Hope flugvöllinn í Los Angeles, en hann var kærður fyrr í mánuðinum fyrir að hafa reynt að fara um borð í flugvél með litla kylfu.

• 1 blogg um fréttina

Bloggað um fréttina

• Magnús Helgi Björgvinsson: Annað hvort er þetta fífl eða þetta er auglýsingamennska. Nema …